إنجازات تستحق الاحتفال

في مثل هذا اليوم!!

لكن قبل 19سنة..ِ

رحت مع بنتي الكبيرة لزيارة قريبتي..

وكان عمر بنتي وقتها 9شهور...

كالعادة أكلنا وشربنا.. وسولفنا.. ولعبو الأطفال مع بعض

لكن هذه المرة كانت الجلسة غير..!

حكتني كيف طفلها الأصغر تعلم القراءة..

بطريقة مرررة سهلة ويسيرة..

انبهرت بالطريقة..

وما أنسى كلمتها اللي قالتلها لي:

ترى هذه النتائج المبهرة وأنا مااتبعت نفس الطريقة اللتي تعلمتها

لكن كل الفكرة إنك تكتبي الكلمات المألوفة بالنسبة للطفل

بخط كبير وواضح

وتكرري البطاقة على الطفل في عدة جلسات في اليوم بحيث ماتتجاوز الجلسة خمسة دقايق

واو.. بس كده؟؟

وبالفعل انبهرت بالطريقة وبدأت أعلم بنتي الأولى القراءة بطريقة بطاقات الكلمات..

وشفت الأثر بنفسي كيف رهيب ..

وصرنا كل مانروح لماما وبابا أكتبلها الكلمات في السبورة وهي تقرأها

وفي يوم من الأيام لما دقت ماما على جوالي..

جابتلي هو بنتي مباشرة وقالتلي شوفي مكتوب "ماما"

أنا وقتها حسيت بالفخر..

ومرة مع مرة كبرت بنتي وصارت تعرف كلمات أكثر وأكثر..

ولما صار عمرها 3سنوات كانت تقرأ 100كلمة بنفسها.

وصرت أعملّها ملف بالكمبيوتر لكل الكلمات اللي تقرأها..

فمرات أراجعلها الكلمات من الكمبيوتر ومرات على السبورة

ومرات من الورق اللي ثبته على الجدار وفيه الكلمات..

وكل مرة تقرأ مجموعة..أشجعها وأرفعها فووق وأفرح منها مرررة..

وبصراحة كانت رحلة ممتعة لتعليم بنتي القراءة..

كل الموضوع إنه يكون وقت لعب.. فأعرض البطاقة عليها.. وننشد ونلعب.. ونكررها كم مرة

وما أخفيك صارت العلاقة بيننا قوية

وزاد تركيزها وانتباهها بشكل عام

وارتفعت عندها المهارات اللغوية بشكل ملحوظ

وأهم شي صارت تتكلم معاي أكثر وتنطق كلمات أكثر في عمر مبكر

وهذه كلها من فوائد تعلم القراءة

والحمد احتفلنا فيها بعمر 3سنوات احتفال لطيف

وبعد سنوات من مرور الموقف العابر مع قريبتي ماتخيلت كيف جلسة وحدة ممكن تغير قناعتك للأفضل بل وتغير مسار حياتك

وتتبني فكرة وتمشي معاها سنين بفضل الله

وانتو حكوني هل هذه أول مرة تسمعو فيها عن طريقة تعليم الأطفال ببطاقات الكلمات؟؟

شاركوني تجاربكم.. وبيني وبينكم في خصم 10%لمن يمتعنا بتجاربه وآراءه